Bilera irekia egingo dute Aiarako gaztelekua diseinatzeko

Erredakzioa 2018ko irailaren 28a

Gazteei luzatu diete bileran parte hartzeko gonbita. / Aiaraldea.eus

Datorren urriaren 7an -igandea- izango da zita, Gaztelekuan bertan. DBH 1.mailatik gorako gazteei luzatu diete parte hartzeko gonbita.

Bilera ireki batera deitu ditu udalak DBH 1. mailatik gora dauden Aiarako gazteak. Udalerriko Gaztelekuaren nolakotasunei buruz hitz egitea izango da zitaren helburua. “I. Sormenezko askari handia” izena jarri diote ekimenari, eta “era dibertigarri batean eta denon artean gaztelekua diseinatzea” izango da egitasmoaren helburua. “Gaztelekua nolakoa izatea gustatuko litzaigukeen, zer nolako ekintzak eskaini beharko liratekeen eta beste hainbat gauzei buruz” hitz egingo da bertan, tokiko erakundeak azaldu duenez.

Datorren urriaren 7an izango da zita, 17:00etan Luiaondoko osasun zentro zaharrean, bertan atondu baitute Aiarako gazteentzako espazioa izango dena.

Whatsapp bidez parte hartzeko aukera
Egun horretan bertaratu ezin duten gazteek ere aukera izango dute euren iritzia plazaratzeko. Horretarako whatsapp mezu bat bidali beharko dute 688867241 zenbakira, modu horretan gaiari buruzko galdetegi bat jasotzeko.

Jendartea Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide