Guztira 6.000 euro bideratuko ditu Aiarako Udalak musika eta dantza udal ikastaroak jaso dituzten adingabeak laguntzeko.
Sei hilabete igarota egon behar dira, gutxienez, haur eta gazteak Aiaran erroldatu zirenetik, 2017-2018 ikasturtean egindako dantza eta musika ikasketak egin baino lehen. Ikastaro horiek EAEko edozein udalerrian egindakoak izan beharko dira.
Aipatutako diruarekin Aiaran bizitzeagatik matrikuletan edo tarifetan sortutako gainkostua ordainduko dute. Printzipioz, %100 ordainduko dute eta gehienez 2.000 euro emango dituzte ume bakoitzeko.
Urriaren 26an bukatuko da epea eskaerak aurkezteko. Berez, www.aiarakoudala.eus webgunera jo daiteke horretarako.
Aiaran erroldatutako umeen gurasoek edo tutoreek aukera izango dute diru-laguntzak eskatzeko urriak 25a baino lehen, baldin eta 2017-2018 ikasturtean EAEko udalerriren batean ikasi badute dantza eta musika, eta ikastaro mota hori Aiarako Udalak ez bazuen eskaintzen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide