Gaur inauguratu dute Aiarako nagusien egoitza berria

Aitor Aspuru Saez 2018ko urriaren 30a
Deskargatu Info Ahotsak :

Alday Fundazioak bultzatu du nagusien egoitzaren eraikuntza. 34 gela ditu eta 38 lagunentzako lekua. Aurreko instalazioak ordezkatzeko sortu dute eraikin berria eta 4 solairu ditu; 3.000 metro karratu guztira. Gela komunak, erizaintza gunea, fisioterapia gunea eta sukalde propioa ditu, besteak beste.

Eguerdian inauguratu dute Aiarako nagusien egoitza berria Alday Fundazioko presidenteak, Arabako Foru Aldundiko eta Eusko Jaurlaritzako ordezkariek, Aiarako alkate Gentza Alamillok eta baita Gasteizko gotzainak ere. Berez, 4,5 milioi euroko inbertsioa egin da azpiegitura berriak eraikitzeko. Eusko Jaurlaritzak 200.000 euro jarri ditu eta Aiarako Udalak 28.000.

Zerbitzu gehiago emango direnez, langile kopurua bikoiztu da, lehen 14 behargin zeuden eta orain 29 dira. Erakunde sustatzaileak, Alday Fundazioak, 120 urte bete ditu aurten.

Jendartea Aiara Arespalditza

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide