Izoria izango da festetan murgilduko den lehenbiziko herria 2019an. Hain zuzen, urtarrileko lehen asteburuan murgilduko dira ospakizunetan. Dena den, ez dira asteburu bakarrera mugatuko: hilaren 7an eta 12an segiko dute ekintzek.
Urtarrilaren 5ean jaurtiko dute suziria, 9:00etan, txupinazoan. 11:30ean historiari buruzko eztabaida egingo dute, Jon Obaldiaren eskutik. Hala, Babioko herri harresituko indusketen emaitzak plazaratuko dituzte. Arratsaldean, ordea, mus txapelketa egongo da.
Biharamunean, igandean, mezarekin hasiko dute eguna, 13:00etan. 13:30ean Aiara dantza taldeak emanaldia eskainiko du.
Urtarrilaren 12an, berriz, egun osoko egitaraua osatu dute: 10:00etan patata tortila txapelketa egongo da, "Batzordeak emango ditu patatak, arraultzak eta tipula". Sukaltzea gogoko ez dutenek ere izango dute dastatzeko parada, 20:00etan herri odoloste dastaketa egon gobaita. 22:00etan diskodantza izango dute, eta 23:00etan "suzirik jaurtiketa ikusgarria". Odolostea da festen ikurra. Haatik, goizaldeko 5:00etan odoloste jaitsiera eta jai bukaera iragarri dute programan.