Urte hasiera hotza berotu nahi dute Aiaran jaiak baliatuta. Hasteko, Izoriako jaien azken eguna izango da asteburu honetan, urtarrilaren 12an, larunbatean, alegia.
10:00etan tortilla txapelketa hasiko da eta antolakuntzak emango dizkie arrautzak, patatak eta tipula parte-hartzaileei. 20:00etan herri odoloste jana abiatuko dute. 22:00etan Diskodantzaren unea helduko da eta 23:00etan suziriak jaurtiko dituzte. Goizeko bostetan parrandan daudenek agurtuko dituzte ospakizunak, odolostearen jaitsierarekin.
San Antonio
Maroñon sanantonioak izango dira urtarrilaren 17an, ostegunean. 13:00etan meza eta luntxa egingo dute eta 21:00etan, ordea, dantzaldiaren ordua helduko da Oteguiren eskutik.
San Babilas
Olabezarren ere egitaraua prestatu dute San Babilas jaien harira. Urtarrilaren 24an, ostegunean, txupinazoa jaurtiko dute 10:00etan eta 12:00etan meza eta luntxa gauzatuko dute trikitiaren doinuak lagunduta. 13:30ean zozketaren txanda izango da eta 17:00etan briska txapelketa abiatuko dute.
Larunbatean patata tortilla txapelketa izango da ekintza nagusia, 17:00etan. Igandean, aldiz, mus txapelketak jokalariak erakarriko ditu 21:00etan, ospakizuna suziriekin amaitzeko gero.