Aiara BTT mendi bizikleta lasterketan izena emateko aukera egongo da igandean bertan

Ez da lasterketaren I. edizioa izango aurtengoa./ Aiaraldea.eus

Igandean izango da mendi txirrindularientzako proba 09:30ean Etxaurren Ikastolan. Bi ibilbide betetzeko parada emango dute antolatzaileek.

Aiara BTT lasterketako antolakuntza azken txanpan dago sartuta buru-belarri eta, nahiz eta asteartean internet bidezko izena emateko epea agortu zen, igandean ere aukera hori emango dute 08:00etatik 09:00ak arte. 20 euro ordainduko dute federatuek eta 23 euro federatu gabeek.

Antolatzaileek gonbidatu dute kirolari oro udalerriko aberastasun eta ondare ekologikoa ezagutzera eta bi ibilbide egongo dira hautatzeko. Alde batetik, laburrak 26 kilometro izango ditu eta 900 metroko desnibela.

Luzeak, aldiz, 40 kilometroko bidea beteko du eta 1.500 metroko desnibela proposatuko du.

Irteera eta helmuga Etxaurren Ikastolan egongo dira, baita auto eta autokarabanentzat aparkalekua ere.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide