Bi proiektu aurkeztu ditu Aiarako Udalak Arabako Foru Aldundiaren Obra eta Zerbitzuen Foru Planera. Etxaurren Ikastolako berogailu sistema berritzean eta aire girotuko sistema bat jartzean datza egitasmo horietako bat.
Tokiko erakundeak azaldu du eskolako gaur egungo galdara oso zaharra dela. Gasoilaren bidez funtzionatzen du, eta C02 emisio handiak eragiten ditu. Horregatik, sistema berria jasangarriagoa eta merkeagoa izango da, Udalaren esanetan. 548.378,62 euro baliatuko dituzte lan hori egiteko. Aurreikusi dutenez, hiru hilabete beharko lituzkete obrarako.
Luiaondoko Patxita Etxea berregokitzean datza bigarren ekimena. Luiaondon dago eraikin hori, La Torre kalean. Beheko pisuan anbulatorioa dago, baina goiko pisuak hutsik daude. Espazio horiek berregokitu nahi ditu tokiko erakundeak, ekintza sozial eta kulturaletarako atontzeko. Lehen pisuan erabilera anitzeko areto bat kokatu nahi dute. Sabaiaren azpiko gunean, aldiz, erakusketak edota hitzaldiak egiteko txokoa atontzea da asmoa. 348.419,80 euro bideratuko dituzte lan horietara.
Etxaurren Ikastolako berogailu sistema eta Patxita Etxea berritzeko diru-laguntza eskatu du udalak
.png)
800.000 euro baino gehiago baliatuko lituzkete bi egitasmoak burutzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide