Beotegiko Done Mikel elizaren mendeurrena ospatuko dute jaietan

Menagarain eta Beotegin elkartuko dira aurten ere festetan. / Aiaraldea.eus

Elizaren historiari buruzko ikerketa plazaratu du Andoni Zurimendu Ortizek.

Bereziak izango dira aurten Menagarai eta Beotegiko jaiak, azken herri horretako elizak 100 urte betetzen baititu aurten. 1919. urtean eraiki zen Beotegiko Done Mikel eliza. 30.000 pezetako aurrekontua baliatu zuten eraikina egiteko eta herrian zegoen ermita bateko materialak probestu zituzten horretarako. Inés eta Luisa de Alday Urquiza ahizpek jarri zuten diru hori, euren gurasoen omenez eraiki nahi baitzuten monumentu erlijiosoa.

Hala azaldu du Andoni Zurimendu Ortizek elizari buruz plazaratu duen liburuxkan. Bizilagunen artean banatuko dute lan hori, herriko ondarearen ezagutza sustatzeko asmoz. Elizaren nondik norakoak soilik ez, herriaren bilakaera historikoa ere hizpide du ikerketak. Hainbat datu historiko bildu ditu Zurimendi Ortizek lanean, herriko biztanleriaren bilakaera kasu. 1786. urtean izan zituen Beotegik biztanle gehien: 81. Gaur egun 58 bizilagun daude herrian, iazko erroldaren arabera.

EGITARAU OSOA 

IRAILAK 26, OSTEGUNA (MENAGARAI)

19:30 Jaien hasiera
Kanpai jotzea, suziriak piztea eta txorizo dastatzea
20:00 Txokolate jana
21:00 Su artifizialak

IRAILAK 27, OSTIRALA (MARTIRIEN EGUNA MENAGARAIN)
12:00 Meza Santua
13:00 Luntxa eta zozketa herrikoia

IRAILAK 28, LARUNBATA (MENAGARAI)
17:00 Umeen bolo
txapelketa
18:00 Tokiko bolo txapelketa
19:00 Aiara Dantza Taldea
20:00 Parrillada
Txorizoa, solomoa eta urdaila
20:30 Berbena: DJ ZABAL
22:00 Areto dantzak eta zozketa
23:30 Txokolate jana

IRAILAK 29, IGANDEA (SAN MIGEL BEOTEGIN)
13:00 Meza Santua
13:30 Tradiziozko tartaren zozketa
14:30 Paella jan herrikoia (Parte hartzeko 672733762 telefono zenbakira deitu behar da irailaren 26a baino lehen)
17:00 Bolo txapelketaren amaiera
Musika eta dantzaldia egongo dira jaiari amaiera emateko

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide