aiaraldea.eus

Tortilla eta mus txapelketak eta diskodantza izango dira Izoriako jaietako ekitaldi nagusiak

Erabiltzailearen aurpegia Julen Solaun Martinez   Jendartea  Aiara  Aiara: Izoria

Larunbatean herri odoloste dastatzea egingo da, 20:00etan. Igande arratsaldean, berriz, mus txapelketa antolatuko da, 300 euroko sariarekin.

Tortilla eta mus txapelketak eta diskodantza izango dira Izoriako jaietako ekitaldi nagusiak
Mus txapelketa egingo da beste behin ere Izoriako jaietan. / Aiaraldea.eus | Ikusi handiago | Argazki originala

Bihar, urtarrilak 3, hasiko dira Izoriako jaiak Jon Obaldiak Babioko herri harresituaren ikerketan ateratako emaitzen inguruan emango duen hitzaldiarekin. 19:00etan izango da zita txokoan.

Hala ere, egun indartsuena larunbata izango da, urtarrilak 4. Patata tortilla txapelketarekin hasiko da eguna, 10:00etatik aurrera (tortillen aurkezpena 13:00etatik aurrera egingo da).

Herri odoloste dastatzearekin jarraituko dute arratsaldean, 20:00etan. Diskodantzarekin eta DJ Truetox ta Kittoren musika emanaldiarekin amaituko da gaua, 22:00etan eta 2:00etan, hurrenez-hurren.

Hurrengo egunean, igandean, mus txapelketa egingo da 17:00etatik aurrera. Txapela eta 200 euro emango zaizkie irabazleei, bigarren sailkatzen direnei 100 euroko saria, eta hirugarren eta laugarren postuan geratzen direnei edari sorta bana.

Urtarrilaren 6an, astelehena, meza nagusia egingo da 13:00etan Errege Magoen etorrerarekin. Segidan, 13:30ean, Anne Valverde Ibarrola Amor hasta el despertar liburuaren aleak sinatuko ditu. Ordu berean ere, euskal dantzak egongo dira, Aiara Dantza Taldearen eskutik.

Jaiei amaiera emateko, meza antolatuko da asteartean, urtarrilak 7, 13:00etatik aurrera. Eraso matxisten aurkako gunea ere egongo da, egun guztietan. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa