aiaraldea.eus

Hasi dira Aiarako udal igerilekuetan estalitako gune bat egiteko obrak

Erabiltzailearen aurpegia Julen Solaun Martinez   Jendartea  Aiara

Hasi dira Aiarako udal igerilekuetan estalitako gune bat egiteko obrak Hiru hilabetez luzatuko dira obrak. / Aiarako Udala | Ikusi handiago | Argazki originala

Hasi dira Aiarako udal igerilekuetan estalitako gune bat jartzeko lanak, eta hurrengo hiru hilabeteetan zehar luzatuko dira. Obrek 104.868, 87ko kostua izango dute, eta Arabako Aldundiaren Foru Planak finantzatuko ditu.

Aiarako alkateak, Gentza Alamillok, adierazi du “bizilagunen aisialdi beharrei behin-betiko irtenbidea” bilatzea dela obren helburua, orain arte karpa desmuntagarriak jartzen baitziren, “horrek dakarren langile baliabideen inbertsioarekin zein baliabide ekonomikoekin egindako lan eta ahaleginekin”.

Orain, berriz, bizilagunek “topagune” gisa erabili ahalko dute estalitako gunea, eta “sozializatzeko eta aisialdiaz gozatzeko” aukera izango dutela ere aurreikusi du alkateak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa