Batzorde informatibo irekiak egingo ditu Aiarako Udalak

Julen Solaun Martinez 2020ko martxoaren 4a

Batzorde informatiboak irekiak izatea erabaki dute udaletik. / Aiaraldea.eus

Herriko biztanleek era aktiboan parte hartu ahal izango dute batzorde informatiboetan, baita erregu eta galdera txandak irekitzeko aukera izango dute ere.

Aiarako Udaleko batzorde informatiboak irekiak izango dira hemendik aurrera. Horrela, biztanleek gai publikoetan parte hartzeko duten eskubidea bermatu nahi dute, “zuzenean edo ordezkarien bidez”. Era berean, udal korporazioek haien jardueraren eta biztanleen partaidetzaren inguruko “informazio zabala” eskainiko dute. Neurri hau Arabako Lurralde Historikoko Aldizkarian argitaratu eta helegiteak jasotzeko epea bukatzean jarriko da martxan.

Batzordean parte hartzeko eta hitza hartzeko ezinbestekoa izango da bertako presidenteari bilera hasi baino lehen baimena eskatzea; gaia landu aurretik bost minutuko hitzartzea egiteko aukera izango dute biztanleek. Bilera amaitzean, erregu eta galdera txandak ireki ahalko dituzte partaideek.

Dena den, debateak sekretuak izan ahalko dira, pertsonen oinarrizko eskubideak muga izanik. Edonolako grabaketa egotekotan, eta grabaketa horrek norbaiten intimitatea kaltetzekotan, batzordeko presidenteak bertan behera utziko du kaltetutakoaren eskubideak bermatzeko.

Politika Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide