Aiarako Udalak bazkako plastikoak eta artilearen kudeaketa sistema berritu nahi ditu

Artilea hondakin bilakatu da, inork ez baitu nahi. / Aiaraldea.eus

Aiarako Udalak bat egin du Arraia-Maeztu eta Bernedoko tokiko erakundeekin diru-laguntza eskatzeko Udalsareari, proiektu berritzaileen ildoan, hain zuzen. Helburua da bi hondakinen kudeaketa hobetzea: artilea eta abereen bazka siloratzeko plastikoa.

Aiarako, Arraia-Maeztuko eta Bernedoko udalek diru-laguntza eskatu dute artilea eta abereek kontsumitzen duten belarra siloratzeko plastikoa berriro erabiltzeko edo balioa emateko.

Alde batetik, abereen bazkari dagokionez, material berriak baliatu nahi dituzte, berrerabili daitezkeenak edo biodegradarriak izango direnak.

Bestalde, Latxesnea, HAZI eta NEIKERen asmoa da ardi latxaren artilearen kudeaketari aurre egitea bi ikuspuntuetatik. Alde batetik, protokoloa zehaztu nahi dute; eta aholkularitza eskaini konpostatze prozesurako, norberak egin dezan. Bestetik, aldiz, analisia bideratu nahi dute jakiteko ziurtagiria lortzea posible den, gero ehuna ekoizteko ingurumen zigilua eskuratzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide