Larunbatean 11:00ak aldera Aranzadi Zientzia Elkarteko kideek bisita gidatua eskaini zuten Babion. Izan ere, abuztual 15 arte han egongo dira lanean. Jon Obaldia Aranzadiko kideak adierazi duenez, 70 herritarrek baino gehiagok jo zutenez indusketa gunera, 3 taldetan banatu zituzten bisitariak, prebentzio neurriak bermatzeko. Horietako bitan gaztelerazko azalpenak eman zituzten, eta beste batean euskaraz.
Gauzak horrela, 1. indusketa eremuan hasi zuten ibilbidea, han lanean ari ziren bitartean. Gero kanpoko harresiaren ebakidurara hurbildu ziren eta defentsa sistemari buruzko azalpenak eman zituzten. Bigarren harresian ere egon ziren eta, gainera, egiten ari diren laginak erakutsi zituzten. Lan horiek nola eta zertarako egiten ari diren ere argitu zuten.
Azkenik, tontorrera igo ziren, "bisitariek ulertzeko zergatik eraiki zen han herrixka eta zer nolako kontrol geoestrategikoa ematen zuten tokiak", erantsi du Aranzadiko kideak.
Argazkiak: Jon Obaldia
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide