Onditz Iturbe txapeldun, Ordiziako mendi maratoi erdian

Izar Mendiguren Cosgaya 2020ko urriaren 20a
Deskargatu Info Ahotsak :

Onditz Iturbe sari banaketan. / Aiaramendi

Aiaramendiko hiru lasterketari aritu ziren Ordiziako proban parte hartzen. Araitz Villak bigarren postua lortu zuen Aramotz mendi lasterketan, eta Eztizen Duque izan zen hirugarrena.

Asteburuan jokatu da Ordiziako Erdi Mendi Maratoia. Onditz Iturbe Aiaramendi taldeko korrikalaria izan zen lehena helmugaratzen emakumezkoen artean. 1:57:49 denbora markarekin erdietsi zuen podiuma. 

Iturbe ez zen izan, ordea, Aiaramendiko partaide bakarra Ordizian. Izan ere, Igon Mantzizidor eta Xabi Abasolo ere aritu ziren lasterka. Mantzizidorrek zirkuitua osatzeko behar izan zuen denbora 1:45:38 izan zen, eta Abasoloren marka 1:55:11. 

Bestalde, Aramotz mendi lasterketara ere hurbildu ziren Aiaramendiko kideak. Emaitza bikainekin itzuli ziren etxera aiaraldearrak. Batetik, Araitz Villak bigarren postua eskuratu zuen (1:44:31 denbora markarekin) eta bestetik, Eztizen Duque hirugarren helmugaratu zen 1:45:32 orduren ostean.

Aiaramendi Korrikalariak taldeak Facebooken zintzilikatu ditu norgehiagokako argazkiak.

Kirola Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide