2021ean ospatuko dute Aiarako Ziklokrosaren 2. edizioa

Aimar Gutierrez Bidarte 2020ko abenduaren 5a

Iaz egin zen ekimenaren lehen edizioa. / Aiarako Txirrindulari Elkartea

Pandemia egoera dela eta aurtengo edizioa ez antolatzea erabaki dute antolatzaileek. Euskadiko Txapelketa ebatzi behar zen Aiarako lasterketan.

Iaz burutu zen Aiarako Ziklokrosaren lehenengo edizioa Iñaki Isasi Taldeak eta Aiara Txirrindulari Elkarteak antolatuta. Ekimenaren arrakasta ikusita gogotsu ekin zioten 2020ko edizioa antolatzeari.

Pandemia egoerak, ordea, bete-betean harrapatu du lasterketa. Antolatzaileek aurtengo edizioa bertan behera uztea erabaki dute, ezarritako mugikortasun neurriek ezinezko egiten baitute proba aurrera ateratzeko beharrezkoak diren bolondresak edota ikusleak biltzea. Gainera, lasterketa antolatuta ere, kadete eta junior kategoriak ezingo lirateke lehiatu. Neurri hori marra gorri bat da antolatzaileentzat, ez baitator bat “oinarrizko txirrindularitzarekin” egiten duten apustuarekin.

Hori dela eta 2021era, atzeratu dute Aiarako Ziklokrosaren 2. edizioa. Hurrengo edizioak Euskadiko Txapelketa hartuko du ere.

Kirola Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide