Mendizale bat hil da gaur Iturrigorrin, Ertzaintzak jakinarazi duenez. Mendiaren magalean gertatu da ezbeharra, Aiaran. 13:55ean jaso du poliziak abisua. Zendutako pertsonak konortea galdu, hipotermiaren ondorioz.
Erreskatea asko konplikatu da. Ertzaintzaren helikopteroa ezin izan da tokira bertaratu eguraldi txarra dela-eta. Horrez gain, mendizalearekin zihoan pertsona menditik jaitsi behar izan da abisua ematera, goian ez zuelako estaldurarik, eta bueltan ez du tokia aurkitzerik izan. Haizea, euria eta lainoa zeuden, poliziak erantsi duenez.
Azkenik, Ertzaintzak eta Aiarako suhiltzaileek mendizalea topatu dute, baina pertsonak ez zuen pultsorik dagoeneko. Salmantonera jaitsi dute, eta bertan mediku batek ziurtatu du hil egin dela.
52 urteko aiaraldearra
Ertzaintzak Aiaraldea hedabideari baieztatu dio hildakoa 52 urte zituela eta eskualdekoa zela. Lagunarekin eta bi txakurrekin joan da mendira.
#Rescate persona accidentada en Tologorri. Lamentablemente fallecido. DEP.
— UVR Ertzaintza (@UvrErtzaintza) December 5, 2020
Tologorrin mendizale bat zendu da tamalez gaur arratsaldean. Besarkada bero bat haren senide eta lagunei. Goian bego.
Con @BomberosAraba y recurso de PC Laudio de @ertzaintzaEJGV #uvr #mendian pic.twitter.com/2RhD1CDkO4