Torrelavega (Kantabria) izan zuten atzo geltoki Aiarako Txirrindulari Elkarteko gazteek, ziklokross txapelketa egin baitzen bertan. "Nahiz eta eskola kirolen praktika EAEn debekatuta egon, Eusko Jaurlaritzak kanpora joateko baimena eman digu, orain gutxienez", adierazi du elkarteak sare sozialetan.
Ilusioz joan ziren lasterketara, aitortu dutenez. Izan ere, urtarrilaren 8an Torrelavegan (Kantabrian) jokatuko da Espainiako txapelketa, "eta gure helburua gozatzea eta ikastea bakarrik zen".
Eguraldia medio, kaskarra izan zen zirkuituaren egoera. "Erabateko lokatza, baina behintzat gaztetxoek aritzeko aukera izan dute, denboraldia zurian ez geratzeko" adierazi dute elkarteko kideek.
Egindako lanaren balorazioari dagokionez, Hodei goraipatu du taldeak, bere lehenbiziko aldia baitzen. "Xabier eta Erlantz eskutik helduta helmugaratu dira, eta irudi polita utzi digute. Ikasten jarraituko dugu".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
