Ertzaintzaren arabera, ezbeharra ez da larria izan. Galdakaoko ospitalera eraman dute zauritua eta trafikoa berrezarrita dago dagoeneko.
Trafiko istripua gertatu da gaur gauean Aiaran, 22:25ak aldera, A-624 errepideko 47,7 kilometroan. Citroen markako auto bat bidetik atera eta irauli egin da. Barruan zioan pertsona zauritu egin da, baina ez da ezbehar larria izan Ertzaintzak jakinarazi duenez. Hala ere, larrialdi zerbitzuek Galdakaoko ospitalera eraman dute zauritua.
Trafikoa berrezarrita dago dagoeneko, ibilgailua bidetik kanpo geratu delako.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.