Bikain hasi dute denboraldia Aiaramendi taldeko korrikalariek: "Pasa den igandean Fadurako (Getxo) krosean gure korrikalariak diren Araitz Villa eta Gontzal Murgoitio Esparza garaile atera ziren 23 urtetik beherakoen mailan". Durangoko eta Bidezabal taldeko kideak dira bi gazteak, Aiaramendin ere parte hartu arren. Hala, otsailaren 28an Getafen (Espainia) izango dute hurrengo proba, Espainiako Kros Txapelketaren barruan.
Aiaramendik sare sozialetan adierazi duenez, azpimarratzekoa da Murgoitioren lana: "Beste behin ere itzelezko potentziala erakutsi du, 10.000 metroko distantzian, 31:37:00an marka lortuz". Hain zuzen, berea izan zen jardunaldiko denbora markarik onena, "gainontzeko kategorietako korrikalarien aurretik gailenduz". Horrez gain, abenduaren 13an Espainiako trailrunning proba irabazi zuen Ibizan. "Euskadi ordezkatuko duten sailkatuen artean egongo dira, harro sentiaraziz Aiaramendi Korrikalariak talde guztia. Zorterik eta handiena opa dizuegu Getafen izango den txapelketarako", erantsi dute.