"Kultudaberria" izenarekin, Aiarako udalak jarduera sorta antolatu du apirilaren 6 eta 9 bitartean. Adin guztientzako eta era guztietako ekintzak egongo dira herritarren eskura.
Apirilaren 6an emango diote hasiera egitarauari Luiandoko ludotekan egingo duten argi erronkarekin. 10 urtetik gorako gazteentzako ekintza izango da, eta 4-6 laguneko taldeetan norberaren erreflexuak, koordinazioa eta azkar aritzeko gaitasuna frogatzeko aukera izango dute parte-hartzaileek.
Apirilaren 7an, asteazkena, antzerkia egingo dute Luiandoko frontoian, arratsaldeko 17:30ean: Amona Joseparen istorioak.
Apirilaren 8an mehatxu kimiko bati aurre egiteko aukera izango dute Luiandoko ludotekan antolatuko den escape room-ean parte hartuko duten taldeek. Izen emateen arabera txandaka sartuko dira taldeak. 12 urtetik gorakoek izango dute aukera aritzeko erronkan.
Egitarauari itxiera emateko magia ikuskizuna egingo dute Luiandoko frontoian, 17:30ean. Tor Magoak Untxia txiki emanaldia eskainiko du bertan.
Izen ematea
Apirilaren 6ko argi erronkan eta apirilaren 8ko escape room-ean izena emateko nahikoa izango da 945 39 90 13 telefonora deitzea.