Alberto Luengas idazleak aiararraren bizipenak jaso ditu El ayalés polifacético liburuan. Bizitza polifazetikoa da Juan Antonio Alañarena, adar jotzailea, txirrindularia eta bidaiaria baita Menagaraiko auzokidea, besteak beste.
Lantenoko eskolen eraikinean aurkeztu zuten atzo Alberto Luengas idazle amurrioarraren azken lana: El ayalés polifacético. Liburuak Juan Antonio Alañaren bizitza du hizpide. Alaña bera egon zen aurkezpenean liburuko pasadizoak aletzen.
Luengasek Alañaren alderdi humanoa goraipatu nahi izan du liburuan: "Alañak bizitza osoa eman du besteen mesedetan, trukean ezer eskatu gabe".
Bizitza polifazetikoa
Adarrak landu eta jotzeagatik da ezaguna Juan Antonio Alaña, Menagaraiko auzokidea, baina bere bizitzan zehar beste hamaika kontutan ere ibili izan da buru-belarri. Gaztetan artzain izandakoa da, eta ia 40 urtez aritu da Aiarako Txirrindulari Elkarteko zuzendari lanetan.
Bidaiatzea izan da aiararraren beste afizio handietako bat. Besteak beste, Europan, Asian edota Amerikan zehar aritu da motxila soinean zuela. Bidaia guzti horietan bizitako anekdotak jasotzen ditu Luengasen liburuak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
