Ibaguen kirolguneak elkartasun erronka handia hartuko du maiatzaren 21etik 28ra. Izan ere, Alberto Valles txirrundularia Guiness marka hausten saiatuko da 7 eguneko 'non-stop' txirrindularitzaren esparruan. Hitzorduaren antolatzailea Abel Fernandez (Spiderabel) da eta berak ere egun horietan 4 maratoi eta 3 maratoi erdi egiteko saiakera egingo du.
Ahalegin horien helburua da dirua lortzea ataxia telangiectasia gaitzaren ikerketarako, AEFAT elkartearentzat, hain zuzen. Ekarpenak egiteko aukera dago migranodearena.org webgunean.
Edonola ere, erronkan eskualdeko hainbat norbanakok, taldek eta elkartek parte hartuko dute, astebeteko egitaraua bete baitute. Tarte horretan txosna zerbitzua egongo da, elkartasun txartelak salduko dira eta marrazkien lehiaketa egongo da. Egitasmoan parte hartuko dutenen artean daude Izaskun Bengoa, Izaskun del Cerro, Aiaraldea Sound System, Amurrioko Txirrundulari Elkartea...
Hemen dago egitarau osoa:
Maiatzaren 21ean, ostirala:
- 17:00 // Txirrindula proba eta lehen maratoia hasiko dira. Adarren soinuak irekiko du ekitaldia
- 19:00 // Aiaraldea Sound System
Maiatzaren 22an, larunbata:
- 11:00 // Ginkana Amurrioko eta Aiarako txirrindula elkarteekin
- 12:00-14:00 // Musika, Kilometrokantu kantu
- 12:00 // Motor klasikoen erakusketa
- 12:30 // Aizkolarien erakustaldia
- 17:00 // 42 kilometroko maratoia
- 17:00 // Izaskun Bengoaren Nordic Walk topaketa
- 19:00 // Zumba saioa Izaskun del Cerrorekin
Maiatzaren 23an, igandea:
- 11:00 // Abelen maratoi erdia, 21 kilometro
- 12:00 // Barañano likoreen dastatzea eta auto klasikoen erakusketa
- 13:00 // Igel txapelketa eta DJ Carlyle
- 14:00 // Folk musika
- 17:00 // Ricar Shou magoaren ikuskizuna
- 17:30 //Zuriñe Urretaren Yoga dinamiko eta Zumba Strog saioak
- 19:00 // Amurrio Batukada
Maiatzaren 24an, astelehena:
- 17:00 // Maratoi erdia, 21 kilometro
- 18:00 // Manolo Hidalgoren kirol erakustaldia
Maiatzaren 25ean, asteartea:
- 17:00 // Maratoia
- 18:00 // Laudio Atletismo Taldearen entrenamendua
Maiatzaren 26an, asteazkena:
- 17:00 // Maratoi erdia, 21 kilometro
- 18:00 // Errugby entrenamendua
- 19:00 // Maratoia Amurrio Patin Klubarekin
Maiatzaren 27an, osteguna:
- 17:00 // Maratoia, 42 kilometro.
Maiatzaren 28an, ostirala:
- 14:00 // Maratoi erdia, 21 kilometro
- 17:00 // Probaren amaiera eta bukaera jaia