'Udako Jolas Txokoetan' izena emateko epea zabalik

Aimar Gutierrez Bidarte 2021eko ekainaren 4a
Deskargatu Info Ahotsak :

Jarduera desberdinak egingo dituzte haurrek. / Aiaraldea.eus

Bi hamabostalditan banatuko dira udalekuak: uztailaren 5etik 16ra eta 19tik 30era. Ekainaren 14ra arte luzatuko da izen emate epea.

Aiarako Udalak antolatutako Udako Jolas Txokoetan izena emateko epea zabalik egongo da datorren ekainaren 14ra arte. 2009 eta 2018 urteen artean jaiotako haurrei zuzendutako jarduerak dira hauek, eta bi hamabostalditan banatuko dira: uztailaren 5etik 16ra eta 19tik 30era. Goizez burutuko dira ekintzak, 10:00etatik 13:30etara, eta Arespalditzan zein Luiaondon burutuko dira.

Izen ematea

Interesa duen orok Aiarako Udaleko web atarian (www. aiarakoudala.eus) aurkituko du izen emate orria. Behin orria beteta udal bulegoetan entregatu beharko da. Aiaran erroldatutako haurrek lehentasuna izango dute.

"Udalak udalerriko gazteak animatu nahi ditu udako joko-txokoen esparruan antolatu diren jardueretan izena eman eta gozatzera" adierazi du Gantza Alamillo Aiarako alkateak.

Hezkuntza Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide