Eguraldia lagungarria izan ez bazen ere, arkeologia zale talde batek Babio bisitatu zuen igandean. Laino artean jaso zuten Jon Obaldia izoriarraren informazioa, berak zuzendu baititu azken urteetan han egindako indusketak. Zehazki, 2018an hasi ziren lanak eta bost urtez luzatzea aurreikusi da.
Izoriako elizan bildu ziren 10:00etan eta ordubetean Babioko tontorrean zeuden, bisitaldia egiteko. Aztarnategiaren barruan ikertzen ari diren esparruak erakutsi zituzten, hala nola, bi harresiak, etxebizitzen gunea, eta abar.
Aiaran kokatutako eremua Burdin Arokoa da eta oraindik hainbat misterio daude argitzeke, nahiz eta ikerketa asko aurreratu duten azken urteotan.
Arabako Arkeologia Institutuak antolatu zuen hitzordua, "Arkeologia Berriak Araban" lemapean. Guztira, 6 bisita gidatu prestatu ditu erakunde horrek, Arabako ondarea hobeto ezagutzeko eta, batez ere, orain ikertzen ari diren aztarnategiak ezagutzera emateko, baita bertan erabiltzen diren metodologia arkeologiko berriak ere.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide