Gaur 19:10ak aldera Aiarako Suhiltzaileek deia jaso dute, sua piztu baita Murgako familia bakarreko etxe batean. Tokira heldu direnean, larrialdi zerbitzuek sute aktiboa topatu dute sukaldean eta itzaltzeari ekin diote.
Istripuaren ondorioz, sukaldeko tenperatura nabarmen igo da eta etxebizitza kez bete da. Hain zuzen, elektro-haizagailua baliatu behar izan dute egoera bideratzeko.
Barruan inor ez bazegoen ere, suhiltzaileek bazekiten bi maskota zeudela, katu eta txakur bat. Bilatzeari ekin diote eta biak hilik aurkitu dituzte.
Kalte materialak (sukaldea txikitu du suak) eta animalien heriotzaz gain, herritar batek (etxeko jabeen senideak) laguntza medikua behar izan du, baina bertaratutako anbulantziak ez du eraman, han artatu du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
