Eskola kiroleko jarduerak abiatuko dituzte asteburu honetan berriro

Aimar Gutierrez Bidarte 2022ko urtarrilaren 25a
Deskargatu Info Ahotsak :

Eskualdeko ehunka haurrek parte hartzen dute eskola kiroleko ekintzetan. / Aiaraldea.eus

Urtarrilaren 10etik etenda egon den eskola kirola berrabiaraztea adostu du Arabako Foru Aldundiak, kirol federazioekin eta Guraso Elkarteekin egindako bileren ostean.

Asteburu honetan itzuliko da eskola kirola Arabako kirol-guneetara. Arabako Foru Aldundia kirol federazio eta guraso elkarteekin batzartu da azken bi egunetan lehiaketaren berrabiaraztea aztertzeko, eta Osasun Sailak gaur utzi du bertan behera eskolaz kanpoko jarduerak egitearen debekua. Horrenbestez, lehiaketaren itzulera agindu du Foru Erakundearen Kultura eta Kirol Sailak.

Ezinegona sortu zuen Eusko Jaurlaritzak hartutako erabakiak kirol federazio eta guraso elkarteetan. Ana del Val Kultura eta Kirol diputatuak berak, neurriarekin atzera egiteko eskatu zion Osasun Sailari.

Hori dela eta, alde guztiek azken asteetan erakutsitako jarrera "proaktiboa" txalotu du foru diputatuak. Aitortza ere egin die eragileei, bi urte hauetan eskola kirol seguru baten alde inplikatzeagatik.

Hezkuntza Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide