Urratsak egin dituzte Añeseko San Sebastian baselizako horma-pinturak konpontzeko. Hala azaldu dio Añeseko Administrazio Batzarreko presidente Francisco Menoyo Uzquianok Aiaraldea Komunikabideari: "Proiektua egin da Arabako Foru Aldundiaren diru-laguntzarekin, guk ez baitugu bitartekorik horrelako konponketak ordaintzeko. Orain, diru-laguntzen beste lerro batean aurkeztu dugu proiektua".
Menoyo baikorra da eta uste du aldundiak egitasmoa onartuko duela. Hala ere, zuhurtasunez jokatu eta aipatu du: "Diru kopurua sinatuta egon arte, ezin dugu ezer ziurtzat jo".
@restauraAraba twitter kontuak adierazitakoaren arabera, margo horiek jatorri herrikoia dute eta XIX. mendean egin ziren. Antza, hezetasunek kaltetu dituzte, eraikinaren kanpoko aldean agertutako landareen ondorioz sortutakoak.
Arabako Foru Aldundiak Lantenoko bi harbel historiko zaharberritzen lagundu du berriki.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide