Igandean irekiko da Aiarako BTT maratoian parte hartzeko izen-ematea

Izar Mendiguren Cosgaya 2022ko otsailaren 22a

Aiaraldean eginiko beste lasterketa baten irudia.

60 kilometroko probaz gain, maratoi erdia egiteko aukera ere egongo da. Ekainaren 25ean jokatuko da lasterketa Aiarako mendietan barrena.

Aiara BTT taldeak igandean irekiko du 2022ko BTT Maratoian izena emateko epea. Dena den, half maraton kategoria ere egongo da, ibilbide erdia egiteko aukera, alegia. Aurtengo nobedadeen artean, lehiaketa Arabako zirkuituaren parte izango dela adierazi dute. Horrez gain, Euskal Herrikoak zein beste lurralde zein erkidego batzuetatik etorritakoek egin ahalko dute lasterketa. Inskripzio fitxak otsailaren 27an jarriko dituzte martxan, 20:00etan, Kirolprobak.com atarian.

"DNA duten bidexkak, pista berdeak, jaitsiera dibertigarriak... benetako BTT proba" izango da Aiarakoa, antolatzaileek sare sozialetan azpimarratu dutenez

Zirkuituari dagokionez, 60 kilometro izango ditu maratoiak, eta 2.000 metroko desnibela. Dena den, 30 kilometroko zeharkaldia ere eskainiko dute, 1.000 metroko desnibelarekin. Azken hau federatuentzat zein federatu gabeentzat izango da.

"DNA duten bidexkak, pista berdeak, jaitsiera dibertigarriak... benetako BTT proba" izango da Aiarakoa, antolatzaileek sare sozialetan azpimarratu dutenez. Besteak beste, Aiara eta inguruko paisaia ikusgarriak ezagutuko dituzte kirolariek. Ohi gisa, janari eta edari hornidura egongo da ibilbidean zehar, "eta bizikleta elektrikoak onartuko dira martxa egiteko".

Etxaurren izango da irteera eta helmuga gune, eta Zuhatzan kokatuko dute autoentzako zein autokarabanentzako aparkalekua.

Kirola Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide