Aiarako Udalak prozesua ireki du administrazio orokorreko teknikariaren postua esleitzeko. Berez, 2021ean onartu zuten kontratazioa egitea eta 2008tik egiten den lehen oposizioa izango da. Udal webgunean eman daiteke izena.
Hala ere, hautagaiek aintzat hartu beharko dute ezinbestekoa izango dela hurrengo lizentzia edo graduetako bat edukitzea azterketak egiteko: Zuzenbidea, Zientzia Politikoak eta Administrazio Zientziak, Enpresen Administrazio eta Zuzendaritza, Ekonomia, Aktuariotza eta Finantza Zientziak, Lan Harremanak eta Giza Baliabideak edo titulu baliokideak.
Berez, hiru proba gainditu beharko dituzte interesdunek eta marka onenak eskuratzen dituenak lortuko du plaza behin betiko, 6 hilabeteko praktikaldia gaindituz gero. Horrez gain, lan-poltsa osatuko da.
Zehazki, bi azterketa egingo dira. Batek test eredua jarraituko du eta bestean zenbait galdera erantzun beharko dira. Halaber, beharrezkoa izango da 3. Hizkuntza Eskakizuna edukitzea.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
