Gure Esku herri dinamikak erabakitzeko eskubidea aldarrikatzeko bilkura egin du gaur, Oletako landetan. Uztailaren 2an, Assemblea Nacional Catalana eta Federació d'Entitats Excursionistes de Catalunya erakundeekin batera egingo duten 'Piriniotako bidea' ekimena indartzeko baliatu dute hitzordua.
Laugarren aldiz, erabakitzeko eskubidearen aldarri bilakatu da Oletako trikuharria. Izan ere, Gure Esku herri ekimenak bilkura antolatu du gaur bertan. Goizean goiz Amurrioko Juan Urrutia plazatik eta Etxaurreneko baselizatik abiatu dira martxan Oletako landetara arte. Bertan, ekitaldia, herri kirolez eta bazkariaz gozatzeko aukera izan dute.
Uztailaren 2an, Assemblea Nacional Catalana eta Federació d'Entitats Excursionistes de Catalunya erakundeekin batera egingo duten 'Piriniotako bidea' ekimena indartzeko baliatu dute hitzordua. Pirinioetako 300 gailur argiztatzean datza erronka, eta Aiaraldeko bizilagunak Urepeletik gertu dagoen Adi mendira igoko dira.
Autobusak 14:00etan abiatuko dira uztailaren 2an Laudio, Amurrio eta Urduñatik. Antolatzaileek 21:00etarako espero dute Adi mendiko tontorrean egotea, orduan egikarituko baita Pirinioak alderik alde zeharkatuko dituen egitasmo masiboa.
Argazkiak: Jose Mari Gutierrez Angulo
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide