Euskararen eguna antolatu zuen iragan ekainaren 4ean Aiaraldeko Euskalgintza Kontseiluak Luiaondon. Egun osoko egitaraua tarteko, euskararen alde aktibatzeko eta herritarrak euskalgintzan inplikatzeko deia zabaldu zuten.
Korrikak euskalgintzan pizturiko grina eta ilusioaren lekukoari eutsi nahi dio Aiaraldeko Euskalgintza Kontseiluak. Bide horretan lehen urratsa eman zuten ekainaren 4an Luiaondon ospatutako euskararen egunean. "Euskaraktibatu" lemapean, euskalgintzan inplikatzeko deia zabaldu zuten larunbateko ekitaldian, eta datozen hilabete eta urteetan bere ekinbidean jauzi bat eman nahi duela iragarri zuen Kontseiluak.
Egun osoko egitarau zabal batek osagarritu zuen Luiaondoko hitzordua: Musika eskaintza zabalak, kirol jarduerek, antzerkiak edota herri bazkariak dozenaka familia elkartu zituen goizeko lehen ordutik.
Argazkiak: Aimar Gutierrez Bidarte
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide