Aiarako umeen jaia antolatu dute gaur Etxaurren Ikastolan. Tailerrekin hasi dute eguna, eta herri kirolek hartu dute protagonismoa. Hainbat haur animatu dira indarrak neurtzera trontza mozketan eta beste proba batzuetan, eskolako patioaren itzalaren babesean betiere.
Eguerdian bizi izan da eguneko unerik hunkigarrienetako bat: 6.mailako ikasleek emanaldia eskaini dute ikastolari agur esateko. Izan ere, datorren ikasturtean eskualdeko beste ikastetxe batzuetara joan beharko dira Bigarren Hezkuntza hasteko.
Bazkaria, magia ikuskizuna, askaria eta disko festa egon dira jarraian, eta arratsaldeko seiak aldera eman diote amaiera egitarauari.
Argazkiak: Etxaurren Ikastola Guraso Elkartea
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide