Done Bikendi Haranako podiumera igo ziren berriro Aiala Txirrindulari Elkarteko kadeteak

Podiumean bi kide kokatu ez ezik, talde onena izan zen Aiala T. E.

Harri Paskier bigarren eta Peio Albizua hirugarren izan ziren Arabako Mendialdean larunbatean lehiatutako lasterketan.

Aiala Txirrindulari Elkarteko kadeteak denboraldi aparta egiten ari dira. Larunbatean Done Bikendi Haranean irteera zuen lasterketa horren adibide izan zen. Hain zuzen, Harri Paskier eta Peio Albizua aiaraldearrek bigarren eta hirugarren postuak eskuratu zituzten, eta emaitza ez zen kasualitatea izan.

Berez, ihesaldia egon zen probaren hasieran, eta lendoñobeitiarrak eta amurriorrak aurrera jo zuten. Eurekin  kokatu zen buruan Haritza Allende ere, eta nahiz eta aiaraldearrek hamaika saiakera egin hura atzean husteko, bizkaitarrak eutsi egin zion eta etapa irabazi zuen.

Edonola ere, Iñigo Uria seigarren izan zen, Oier Colmenero zazpigarren eta Erlantz Alday kapitaina ere sailkatu zen. Ondorioz, bost txirrindularirekin bakarrik joan arren, talde onena izatea lortu zuten eskualdekoek.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide