Atxilotu bat etxebizitza batean indarrez sartzeagatik Luiaondon

Aitor Aspuru Saez 2022ko urriaren 8a

Laudioko ertzain etxeko agenteek egin dute atxiloketa./ Aiaraldea.eus

Gertakariak atzo izan ziren, baina gaur atxilotu du Ertzaintzak pertsona.

Atzo 16:30ean Ertzaintzak lau lagun identifikatu zituen Luiaondoko Padura kalean dagoen etxebizitza batean sartzeagatik, eta ikerketa abiatu zuen gertakariaren inguruan. Izan ere, salaketarik ez zuten jarri.

Gaur goizean, ordea, hiru ertzain bertaratu dira berriro Aiarako Administrazio Batzarrera eta lagun bat atxilotu dute, indarrez etxebizitzan sartzea leporatuta.

Atzo Ertzaintzak identifikazioak egiten zituen bitartean, suhiltzaileak ere egon ziren herrian, baina euren agerpenak ez zuen gertatutakoarekin zerikusirik, liztor asiarren habia kentzera joan baitziren.

Jendartea Aiara Luiaondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide