ARGAZKIAK ETA SAILKAPENAK

Ehundik gora parte hartzaile eta zaletu bildu ditu Aiarako Mendi Duatloiak

Txabi Alvarado Bañares 2022ko urriaren 16a
Deskargatu Info Ahotsak :

Josu Urrestarazu Garcia eta Enara Oronoz Mateo gailendu ziren banakako proban. Txandakako kategorian, aldiz, Unai Unzaga eta Joseba Aguirrek osatutako bikoteak lortu zuen marka onena. 

Atzo arratsaldean lehiatu zen Aiarako Mendi Duatloiaren VII. edizioa, Arespalditzan. Arratsaldeko lauretan atera ziren proba banaka egin zuten kirolariak. Handik bost minutura, aldiz, txandakako kategoriakoak abiatu ziren. 

Biek ala biek osatu behar izan zuten ibilbide berdina: 6,18 kilometro oinez, 15,24 kilometro bizikletaz eta, bukatzeko, beste 1,52 kilometro hankak baliatuta. 

Banakakoen kategorian Josu Urrestarazu Garcia gailendu zen gizonezkoen artean, 1 ordu, 30 minutu eta 30 segunduko marka lortuta. Lehen emakumea, aldiz, Enara Oronoz Mateo izan zen. 1:52:36 denbora egin zuen Yurrebaso klubeko kirolariak. 

Txandakako kategorian, aldiz, Unai Unzaga eta Joseba Aguirrek osatutako bikoteak lortu zuen gailentzea, 1:34:52 marka eginez.

Hemen ikusi daitezke banakakoen sailkapen osoa eta hemen, aldiz, txandakakoena. 

Kirola Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide