Larunbat osoa Aiarako Gaztelekua ezagutzeko, fisikoki zein bere filosofiaren aldetik

Aitor Aspuru Saez 2022ko azaroaren 18a

Gaztelekua prest dago inauguraziorako./ Aiaraldea

Larunbata egun garrantzitsua izango da Aiarako Gaztelekurako, eguerdian familiei azalduko baitiete egitasmoa eta arratsaldean nerabeei.

Egun osoko jarduera izango du Aiarako Gaztelekuak larunbatean. Izan ere, inaugurazioa egingo dute eta horretarako bi hitzordu prestatu dituzte.

Luiaondoko eskola zaharretan dagoen lokalean eguerdian luntxa egongo da familientzat. Tarte hori baliatuko dute espazio fisikoa ikus dezaten interesdunek, baina baita egitasmoaren nondik norakoak eta irizpideak deskribatzeko.

Arratsaldean, ordea, Gaztelekua nerabeentzako tokia izango da bakarrik. Goizean bezala, mokadua egongo da bertaratzen direnentzat eta ekimenaren filosofia azalduko dute.

Gentza Alamillo alkateak aipatu du lekuak bere lehenengo urratsak egiten hasi dela eta gazteen esku egongo dela Aiarako Udalari eskatzea elementu berriak Gaztelekua erakargarriagoa egiteko.

Hezkuntza Aiara Luiaondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide