Aiarako Olentzero Solidarioak Agiñigara joko du igandean eta Mari Domingiren eskutik bilatuko dute herrian zehar. Gainera, hainbat pertsonaia mitologiko egongo dira jostailuak biltzen.
Aiarako Olentzero Solidarioa ekimenak 12 urte beteko ditu igandean Agiñigan. Beti bezala, helburua izango da jostailuak biltzea, gero Amurrioko Laguntza elkarteari emateko, eta horretarako 11:00etan daude geratuak Administrazio Batzarrean bertan.
Olentzero bilatzeari ekingo diote ordu horretan eta Mari Domingik gidatuko du ibilbidea. Herrian aurrera egin ahala, pertsonaia mitologiko gehiago agertuko dira: lamiak, tartalo, basajaun, akerbeltz, galtzagorriak... Gainera, mezu argiak zabalduko dituzte: higienearen, ondo elikatzearen eta laguntza eskatzearen garrantzia, alegia.
Txokolate jana ere eskainiko dute. 24 Elkarteak, Aiarako Biltokia Elkarteak, Etxaurren Ikastolak eta tokiko Administrazio Batzarrak antolatuko dute dena.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
