Aiara BTT proban izena emateko epea zabaldu dute

Izar Mendiguren Cosgaya 2023ko otsailaren 6a

Aiarako BTT probaren irteera unea. / Aiara BTT

Ekainaren 24an izango da Aiara BTT proba. Otsailaren 5ean zabaldu zuten izen-ematea Kirolprobak.com atarian. Antolatzaileek lehen zehaztasunak azaldu dituzte espazio digitaletan.

Aiara BTT proban parte hartzeko izen-ematea zabalik dago jada. Hala adierazi dute sare sozialetan. Ekainaren 24an izango da mendi bizikleta maratoia, 9:00etan. Txapelketaren xehetasunak ere jaso dituzte webgunean. Ohi gisan, bi ibilbide proposatu dituzte: maratoi osoa eta erdia.

Lehenbiziko kategorian 60 kilometroko zirkuitua osatu beharko dute, eta bigarrenean 36 kilometrokoa. Sariak eta oharrak ere ikusgai daude webgunean. Aurreratu dutenez, gainera, bizikleta elektrikoek ere izango dute lehiatzeko aukera. Alabaina, 10 minutuko tartearekin aterako dira irteera gunetik.

Ekintza freskatu eta gogoratzeko, spota zabaldu dute bien bitartean:

Kirola Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide