AZKEN ORDUKOA

Lan istripua izan du baso-lanetan ari zen behargin batek Erretes Lanteno herrian

Aimar Gutierrez Bidarte 2023ko ots. 13a, 14:40

Helikopteroz eraman dute langilea Gurutzetako ospitalera. / Ertzaintza

Goizeko 11:00ak aldera lan istripua izan du baso-lanetan ari zen behargin batek Aiarako Erretes Lanteno herrian. Larrialdi-zerbitzuak ingurura bertaratu dira eta helikopteroz Gurutzetako ospitalera eraman dute larri zauritutako langilea.

Erretes Lanteno herrian baso-lanetan ari zen behargin batek lan-istripua izan du. Goizeko 11:00ak aldera gertatu da ezbeharra, Ertzaintzako Prentsa Bulegoak Aiaraldea Komunikabideari jakinarazi dionez.

Suhiltzaileak eta osasun-langileak bertaratu dira istripua gertatu den lekura. Behargina helikopteroz eraman behar izan dute Gurutzetako ospitalera, larri zaurituta. Datozen orduetan informazioa eguneratzen jarraituko du Aiaraldea Komunikabideak.

Hanka batean zauritutako egurgile bat erreskatatu dugu Artziniegan.

Tras ser asistido por sanitarios de Osakidetza, hemos evacuado al leñador herido y a un médico de Osakidetza y trasladados hasta el Hospital de Cruces. pic.twitter.com/Hup9QPhLyi
— UVR Ertzaintza (@UvrErtzaintza) February 13, 2023

Lan heriotzak baso-lanetan

Istripu tasa handiko sektorea da basogintza, langile gutxi dituen arren, ugariak izaten dira lan-istripuak bertan. 2021ean, esaterako, sei izan ziren baso-lanetan ari zirela hildako beharginak. Aiaraldean 2020ko maiatzean, Forestales Frias enpresako langile batek bizia galdu zuen Luiaondoko mendietan lanean ari zela.

Ekonomia Aiara Erretes Lanteno

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide