Lilatoira joateko autobusa antolatu dute Aiara eta Okondotik

Izar Mendiguren Cosgaya 2023ko otsailaren 20a

Aiarako partaideetako batzuk, 2018ko Lilatoian. / Aiaraldea.eus

Lilatoian parte hartzeko edo korrikalariak animatzeko autobusa antolatu dute Aiarako Kuadrillatik. Martxoaren 5ean izango da berdintasunaren aldeko proba.

Aiarako zein Okondoko emakumeek autobusa antolatu dute Lilatoian parte hartzeko. Martxoaren 5ean izango da ekimena Donostian. Azken urteetan, baina, Aiaraldetik deialdia egin dute bertaratzeko. Besteak beste, Aiarako zein Okondoko emakumeek elkarrekin -kolektiboki- egin dute prestaketa; eta horrez gain, autobusa antolatu dute Donostira egunpasa errazteko.

Aurtengoan ere heldu diote erronkari. Karmele Poblacionek azaldu duenez, martxoaren 5ean autobusez bertaratuko dira Donostira: "8:05ean aterako gara Arespalditzako Ferialetik, eta 8:10ean egingo dugu geldialdia Okondoko markesinan". Aiarako bizilagunak erantsi duenez, parte hartzeko modu asko daude: "Batzuk korrika egitera goaz, eta beste batzuk egunpasa". Gainera, Aiarako batukada ere joatekoa da.

Itzulera 18:00etan egingo dute, Donostitik. Izena emateko aiarakobiltokia@gmail.com helbidera bidali behar da mezua. Prezioa 5 eurokoa izango da.

Jendartea Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide