Emaitza oparoak biltzen jarraitzen du Jon Durana eskualdeko mendi korrikalariak. Iaz hirugarren postua lortu zuen Aiaramendiko lasterkariak Euskal Mendizale Federazioko Kopako kategoria absolutuan, eta aurtengo urtea emankor hasi du. Izan ere, Euskal Mendizale Federazioarekin ariko da lehiatzen, erakundeak jakinarazi duenez. Hain zuzen, bost lasterkari onenen artean kokatu da aiaraldearra eta, berarekin batera, Hodei Samaniegok, Ibai Makazagak, Javi Goitiak eta Victor Bernedok osatuko dute Euskal Herriko boskotea.
Euskal Mendizale Federazioak sare sozialetan adierazi duenez, asteburuan jokatu dute Espainiako Txapelketa, eta laugarren sailkatu dira bai gizonezkoen taldea eta baita emakumezkoena ere. "Espainiako Txapelketan Promesetan txapeldun. Laugarren postua kategoria absolutuetan, bai gizonezkoan bai emakumezkoan. Bakarka, Irati Zubizarretaren bosgarren postua nabarmendu nahi dugu eta, bereziki, Aitor Zunzunegik promesetan lortutako brontzea", azpimarratu dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
