Laudioko Ertzain Etxeak hiru salaketa jaso ditu Luiaondon azken egunetan. Izan ere, apirilaren 13an eta 15ean hiru autoren kristalak hautsi zituzten, eta barruan zeuden ondasunak hartu zituzten.
Aiaraldea Komunikabidea autoan lapurtu zioten herritar batekin mintzatu da, eta horrek azaldu dio Ertzaintzak berak eman ziola gertakariaren berri larunbatean.
Dirudienez, trenean zihoan bidaiari batek ikusi zituen lapurrak auto baten kristalak apurtzen geltokiko aparkalekuan. Polizia Luiaondora bertaratu zen, eta inguruak arakatu zituen. Beste ibilgailu kaltetua topatu zuten eta orduan jabeari deitu zioten.
Ertzaintzako prentsa bulegoak adierazi dio Aiaraldea Komunikabideari ez dela atxiloketarik egon, baina lapurreta pairatu zuen herritarrak aipatu dio hedabideari egunean bertan identifikatu zituztela ustezko egileak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
