Maiatzaren 1ean Llantenoko Jai Batzordeak jakinarazi zuen sare sozialen bidez ezezagunek lapurreta egin dutela eta jaietan baliatzen duten material ugari eraman dutela. Batzordeko kideek azaldu zuten ezuste ezatsegina topatu zutela txosnako gunera joan zirenean dena atontzera.
Izan ere, norbaitek mailua eta zizela erabili eta barruan sartu zen izozkailua, mikrouhin-labea, kafe makina, luzagailua, trafikoa arautzeko seinaleak, jolasak egiteko elementuak eta banderak zein zapiak eramateko.
Batzorderako kolpe handia izan da, hori guztia lan boluntarioaren bitartez eskuratu baitute eta laguntza eskatu dute, norbaitek ez ohiko zerbait ikusi badu, esan diezaien.
Bestalde, lantenoarrek aipatu dute oso ondo iruditzen zaiela kanpoko jendea Andra Mari Zuriko inguruetara joatea eta erabiltzea, baina salatu dute horren kontrako neurriak hartuko dituztela jarrera kaltegarriak errepikatzen badira. Esaterako, gurpil aztarnak utzi dituzte eta sua piztu dute, sutea eragiteko arriskua biderkatuta.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
