ANALISIA

Jeltzaleek lortutako gehiengo absolutua dago jokoan

Txabi Alvarado Bañares 2023ko mai. 26a, 07:00
Egungo zinegotziak 2019an, udal gobernuen eraketan. Aiaraldea.eus

EAJ, EH Bildu eta Aiara Batuzen artean egongo da lehia Aiaran datorren maiatzaren 28ko udal hauteskundeetan. Azken bi legealdietan gobernatu du EAJk Aiaran, Gentza Alamillo  alkate. Opozisioan, aldiz, EH Bildu eta Aiara Batuz egon dira

2015etik hona EAJ egon da alkatetetzan Aiaran. Jeltzaleez gain, beste bi talde politikok izan dute ordezkaritza ordutik hona Udalean: EH Bilduk eta Aiara Batuzek. EAJk 648 boto eskuratu zituen 2015ean (%40,2), EH Bilduk 566 (%35,11) eta Aiara Batuzek 245 (%15,2). PPk, aldiz, 85 boto baino ez zituen eskuratu (%5,27) eta ordura arte zuen zinegotzia galduz. 

2019an, aldiz, jeltzaleen nagusitasuna etorri zen. EAJk gehiengo absolutua lortu zuen, 873 botorekin (%52,21). EH Bilduk, aldiz, 401 boto eskuratu zituen (%23,98) eta Aiara Batuzek 235 (%14,06). 

Gauzak hala, EAJren gehiego absolutua da maiatzaren 28an jokoan egongo dena. Ikusteke dago ea jeltzaleek botoen erdia baino gehiago berenganatzea lortzen duten berriz ere. Lortuko ez balute, bestelako egoera batzuk irekiko lirateke 24 administrazio batzardun udalerrian. EH Bilduk zein Aiara Batuzek jasotzen duten babesaren arabera, gehiengo ezberdinak egituratzea baloratu dezakete. 

Izan ere, beste alderdi politikoek (PP eta PSE-EEk) euren emaitzak hirukoiztu beharko lituzkete zinegotziren bat lortzeko. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide