Euskadi eta Arabako BTT maratoi Txapelketak jokatuko dituzte larunbatean Aiaran
Aitor Aspuru Saez
2023ko eka. 21a, 07:00
Aiara BTT probak eskolen denboraldi amaierako jaia ere hartuko du. Euskadiko eta Arabako Txapelketetan 500 kirolarik parte hartuko dute.
Ibaguengo kirol gunea jarduera jendetsu eta ugariren esparrua bilakatuko da larunbatean. Izan ere, Aiara BTT probaren edizio berriaren barruan Arabako eta Euskadiko Txapelketak egongo dira jokoan, maratoi diziplinan, hau da, 60 kilometroko lasterketan.
Aldi berean, ibilaldi herrikoia antolatuko dute eta bizikleta elektrikoek ere parte hartu ahal izango dute. Lehiakorra ez den proposamen honetan 36 edo 60 kilometroko ibilbideen artean hautatu ahalko da.
Guztira, 500 lagunen parte hartzea aurreikusi dute eta izena emateko epea itxi dute jadanik. Lasterketaren hasiera 09:00etan izango da. Amaitzeko, herri bazkaria egingo dute.
Eskolen denboraldi amaiera
Behin helduek Ibaguengo gunea uzten dutenean, haurren txanda helduko da. Ibilbide olinpikoa prestatuko dute eta 2009 eta 2016 urteen artean jaiotako umeek aukera izango dute betetzeko. Ez da beharrezkoa izango federatua izatea. Hemen eman daiteke izena oraindik.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
