Atxa jauregiko kapera eraberritzeko 10.528,22 euro eman dizkie Arabako Foru Aldundiak eraikinaren jabeei

Txabi Alvarado Bañares 2023ko abuztuaren 22a
Deskargatu Info Ahotsak :

Jauregiaren alboan kokatuta dago kapera. / Arabako Foru Aldundia

Eraikinaren jabeek 21.056,43 euroko aurrekontua aurkeztu dute guztira erakunde publikoak zabaldutako diru laguntza deialdira.

Arabako Foru Aldundiak diruz lagunduko du Arespalditzako Atxa jauregiko kaperaren eraberritzea. Eraikin pribatua da, eta jabeek 21.056,43 euroko aurrekontua aurkeztu zuten guztira Arabako erakundeak abian jarritako kultura ondare higiezinean zaharberrikuntzako diru-laguntzara. 

Guztira, 38 eskaera aurkeztu ziren diru laguntza deialdi horretara, eta 13 norbanakori emango diete dirua, 9 ondare eraikinetan esku hartzeko. 140.000 euro banatuko ditu Aldundiak guztira, 1.000 eurotik 30.000 eurora doazen zenbatekoekin. 

Hainbat mendeetako historia

Historia luzea du Arespalditzako Atxa jauregiak. 1639. urtean sortu zela kalkulatzen da, eta 1823. urtean berreraiki zuten, gaur egun duen egitura hartuz. Jauregiaz gain, eraikinak beste hainbat azpiegitura ditu bere inguruan. Horietako bat da aurki berrituko den kapera. 

Kultura Aiara Arespalditza
Erlazionatuak
Arabako Foru Aldundiaren oharra, osorik

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide