Izorian jokatu da Arabako Bertsolari Txapelketako lehenengo kanporaketa

Aimar Gutierrez Bidarte 2023ko urr. 24a, 07:22
Deskargatu Info Ahotsak :

Izoriako kanporaketako parte hartzaileak. / Arabako Bertsozale Elkartea

Unai Anda amezagarra izan da lehenengo kanporaketako irabazlea, eta zuzenean sailkatu da 2024ko Arabako Bertsolari Txapelketara. Unai Mendibil amurrioarra ere kanporaketan izan zen.

Izoriako txokoa lepo beteta eta Hogeitalau Euskara Elkarteak antolaturiko Aiarako Euskararen Egunen programazioaren barruan jokatu zen Arabako Bertsolari Txapelketako lehenengo kanporaketa. Guztira, Araba osoko 24 bertsolarik parte hartuko dute kanporaketa fasean, eta 2024ko txapelketan nork parte hartuko duen ebatziko da bertan.

Izoriako saioan Unai Anda Delikak, Felipe Zelaieta Txurrukak, Xabier Antia Zuaznabarrek, Martin Abarrategi Sarrionandiak eta Ainara Balantzategik hartu zuten parte. Eskualdearen ordezkaria Unai Mendibil Etxebarria izan zen, eta Irati Martinezek gidatu zuen saioa.

Unai Anda izan zen lehenengo kanporaketako garailea, 196,5 puntu eskuratuta. Anda zuzenean sailkatu da 2024ko Bertsolari Txapelketara. Gainerako bertsolariak kanporaketa guztiak jokatu ostean sailkatuko dira, puntuazio hurrenkeraren arabera.

Hauek izan ziren Izoriako saioko puntuazioak:

  • Unai Anda: 196,5 puntu
  • Martin Abarrategi: 182,5 puntu
  • Felipe Zelaieta: 175,5 puntu
  • Xabi Antia: 169 puntu
  • Unai Mendibil: 158 puntu
  • Ainara Balantzategi: 110,5 puntu
Kultura Aiara Izoria

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide