Oihan Mimenza Goikoetxea Athletic Clubeko jokalariak Galiziara joko du asteburuan, Euskal Selekzioak deitu baitu Kantabriako eta Galiziako taldeen kontrako partidetarako.
Luiaondoarra lau aldiz izan da Euskal Selekzioko aurredeialdietan (entrenamenduetan) eta asteburuan hitzordua izango du lehiatzeko.
Mimenza aurrelaria da, baina batzuetan zelai erdian ere jokatzen du. Bere bigarren denboraldia hasi du Athletic Cluben, eta Athletic 2010 taldean militatzen du.
Indarrean dagoen denboraldian emaitza onak eskuratu ditu taldeka (sailkapeneko burua hartu du Athleticek) zein bakarka (sei gol egin ditu jadanik).
Bizkaiko talde nagusian sartu baino lehen, Amurrioko Kaskagorrin jokatu zuen Mimenzak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
