Nagusiek Gabonak bakardadean igaro ez ditzaten, afariak eta bazkariak egingo dituzte Alday egoitzan

Aitor Aspuru Saez 2023ko abe. 7a, 12:00

Alday nagusien egoitzan egingo dituzte otorduak. / Aiaraldea.eus

Arespalditzako nagusien egoitzak zenbait elkartasun ekimen antolatuko ditu Gabonetan. Bakarrik daudenentzako otorduak izango dira egitasmo garrantzitsuena.

Arespalditzako Alday Nagusien Egoitzak elkartasun otorduak egingo ditu abenduaren 24an eta 31n -afariak- eta abenduaren 25ean eta urtarrilaren 1ean eta 6an -bazkariak-. Ekimen horien helburua izango da bakarrik dauden herritar nagusiek aukera izatea egun horiek jendearekin partekatzeko.

Izena emateko epea abenduaren 15ean amaituko da eta horretarako 945 39 90 23 telefono zenbakira deitu beharra dago.

Horrez gain, elkartasun egitasmo gehiago bultzatuko dituzte. Esaterako, Koopera elkartearentzat jostailu-bilketa egingo dute, abenduaren 15ean amaituko dena, eta elikagai-bilketa abenduaren 18tik urtarrilaren 5era, Arabako Elikagai Biltegiarentzat. Era berean, musika jarduerak eta dantzak ere antolatuko dituzte.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide