Aingeru Olabarrieta Athleticeko lehen taldeko deialdian sartu zen, baina ez zuen debuta egin Cayonen aurka

Aitor Aspuru Saez 2023ko abenduaren 8a
Deskargatu Info Ahotsak :

Aingeru Olabarrieta, artxibo irudi batean. / Chris Gomez

0-3 irabazi zion atzo Athletic Clubak Cayon talde kantabriarrari. Partidaren deialdian egon arren, Aingeru Olabarrietak ez zituen bere lehen minutuak izan zelaian.

Aingeru Olabarrieta gaztea Athletic Clubeko lehen taldeko deialdian sartu zen aste honetan. Izan ere, bilbotarrek Cayon klub kantabriarraren aurka jokatu zuten atzo Errege Kopan eta Ernesto Valverde entrenatzaileak aukera baliatu zuen titularrak ez diren jokalariak hasierako hamaikakoan jartzeko eta filialeko gazteak deitzeko.

Horien artean egon zen Aingeru Olabarrieta. Luiaondoarra lehenengo aldiz sartu da talde nagusiaren egunerokoan, baina ez zuen debutatu.

Edonola ere, Valverderen deiak aiararrak Bilbao Athleticen eginiko lana saritu du. Izan ere, denboraldi honetan jadanik hiru gol egin ditu, horietako bi AD San Juan taldearen kontra.

Kirola Aiara Luiaondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide